Carne para receitas tradicionais galegas

De todos é coñecido que para que unha receita funcione, hai que contar cunha boa materia prima de base. Neste lote xuntamos os ingredientes base de tres receitas tradicionais galegas: callos, carne ao caldeiro e caldo.

Os callos levan partes do estómago e da pata da tenreira. Empréganse para facer un dos guisos estrela da cociña galega, que se pode acompañar de garabanzos, chourizo e outras salazóns.

Para facer a carne ao caldeiro emprégase unha parte da tenreira que se chama falda, que leva óso e tamén algo de grasa. É unha receita de elaboración moi sinxela, na que a carne ten que ser de gran calidade para que teña un gran sabor e textura.

No receitario galego, non faltan os caldos elaborados con verduras de tempada, patacas ou diferentes tipos de salazóns. Neste lote enviamos ósos de caña, da pata da tenreira, para poder facer unha boa base para caldos e sopas diferentes.

A carne que vendemos a través da web da nosa cooperativa, ten a certificación de Ternera Gallega Suprema, o que garante a súa máxima calidade e a procedencia de animais de entre 8 e 10 meses de idade, criados en liberdade na Serra dos Ancares e alimentados con produtos 100% naturais.

Todos os produtos da nosa web enviámolos envasados ao baleiro, para un mellor transporte e tamén para que conserven as súas propiedades durante máis tempo. Os envíos facémolos en transporte refrixerado, creando unha liña segura para que chegue ao seu destino nunhas condicións óptimas.