O sabor dos Ancares na túa cociña mesa casa
O Sabor dos Ancares é un proxecto de empoderamento gandeiro co que os socios e socias da Carqueixa queremos recuperar o control sobre as nosas canles de venda. No 2019 iniciamos esta transformación da nosa cooperativa para garantir o futuro da nosa actividade gandeira e fixémolo apostando por confiar en ti. En ti, que che gusta a boa carne e queres que as gandeiras e os gandeiros recibamos un prezo xusto polo noso traballo. En ti, que che gusta saber que axudas a manter uns Ancares vivos. A nosa carne, directa á túa mesa.
Explosión de sabores no padal
Coidado especial e ausencia de procesados: calidade suprema
De cor rosa claro ou vermello suave, cunha infiltración graxa de cor nacarada, aspecto magro e textura mol. Unha carne para padales expertos pero tamén para aqueles que a proban de xeito temperán. O feito de non ser unha carne procesada propicia unha boa dixestión e unha dieta saudable e equilibrada.
Así traballamos
Unha liña segura dos Ancares até a túa casa
Para que non te preocupes por nada somos claros, así é o noso xeito de traballar cos animais e coa carne.
Animais en liberdade
Os nosos animais críanse na natureza desfrutando dos beneficios do medio rural dos Ancares. Vacas e becerros moi felices!!
Empaquetados ao baleiro
O sistema de empaquetado ao baleiro permite que a carne conserve todo o seu sabor e a súa textura. Neste envase, podes conxelar a que che sobre (se che sobra).
Transporte frigorífico
A túa carne vai viaxar en camións frigoríficos, mantendo a temperatura axeitada. Chegará dos Ancares á túa casa nun periodo máximo de 15 días! Desde que sae das nosas instalacións ata que chega á túa casa, pasan menos de 24 horas.
Calidade suprema
A alimentación das vacas é 100% natural e vegana e os nosos becerros aliméntanse, principalmente, de leite. Están fortes e saudables!!
A nosa filosofía
A nosa aposta polo rural vivo e a riqueza dos Ancares.
O noso é un compromiso co rural e co proxecto vital das persoas que queren vivir nel. Somos gandeiras e gandeiros e estamos orgullosos de selo.
Carne cun prezo xusto
Dignificación do rural
Fixación de poboación
Mantemento de tradicións
Recuperación de zonas abandonadas
Incorporación de traballadores no rural
Novos pastos e bosques
Menor risco de incencio
As cifras
Un proxecto en crecemento
Disto falamos
As últimas entradas do blogue
A Carqueixa colabora co Grupo Operativo REDE GALEGA DE GRANXAS MODELO
Dende a Cooperativa A Carqueixa traballaremos coa Fundación Juana de Vega e o Consello Regulador das Carnes de Vacún de Galicia, coa colaboración do Centro de Investigacións Agrarias de Mabegondo (CIAM), ata setembro de 2026 para definir un modelo produtivo típico no sector do vacún de carne galego. O obxectivo do denominado Grupo Operativo REDE
A Carqueixa colabora no proxecto Ash4Soil de mellora produtiva do solo a partir do aproveitamento de subprodutos de xurro
A Carqueixa forma parte do recentemente nacido grupo Ash4Soil, un grupo operativo supraautonómico que busca a mellora da calidade de solos acedos e un incremento da produtividade en plantacións forestais e agrícolas a través do desenvolvemento dun material enmendante-fertilizando obtido a partir de subprodutos de orixe forestal e gandeira. O fertilizante nitroxenado, de gran calidade,
Pratos cociñados nos Ancares: quentar e desfrutar!
Novidades! Pomos ao voso dispor novos produtos: 7 pratos cociñados en dous establecementos emblemáticos dos Ancares como son o Bar Xegunde (Navia de Suarna) e o Mesón Campa da Braña (Cervantes). Se ainda non os coñeces, convidámoste a coñecer a Pedro e Mari Carmen, as persoas que están aos fogóns destas casas de comidas e que cociñarán cada semana as súas receitas para que
Quen somos
Sobre a cooperativa
No 2019 as persoas socias da cooperativa A Carqueixa cansamos de que se pagase moito pola nosa carne (as mellores carnicerías de todo o Estado) e de recibir moi pouco. Por iso apostamos por confiar en ti.
En ti, que che gusta a boa carne e queres que as gandeiras e os gandeiros recibamos un prezo xusto sen intermediarios.
A nosa carne directa dos Ancares a túa mesa.
Premios e recoñecementos ao noso labor
Valores cooperativos
2024
Premio aos valores cooperativos. Premios á Cooperación da Xunta de Galicia.
Emprendemento rural
2024
Referente estatal en emprendemento rural. Proyecto Mies. Alma Natura, Revista Salvaje, Terra da Auga, Ashoka España e Google.org
Excelencia á innovación
2023
Premio Excelencia á innovación na actividade agraria nos Premios á Excelencia á Innovación para Mulleres Rurais do Ministerio de Agricultura, Pesca e Alimentación.
Desenvolvemento Rural
2021
Premio ao Desenvolvemento Rural AGADER (Axencia Galega de Desenvolvemento Rural).
Aresa
2021
Premio Aresa de Desenvolvemento Rural de Aresa.
Copa de España Creativa
2021
Copa de España Creativa. Participación na candidatura da Deputación de Lugo para o agrupamento de propietarios de castañeiros.
