Sobre nós
Descubre a nosa historia, filosofía e métodos de traballo. Bótalle unha ollada aos videos e escoita a nosa voz. O noso compromiso é coa calidade do producto.
A nosa historia
Somos unha cooperativa formada por 200 cooperativistas. A media de cabezas de gando que temos por cada un de nós é dunhas 25 vacas.
O noso compromiso é coa calidade e por iso toda a carne que sae da nosa cooperativa é de Ternera Galega Suprema.
Moitos de nós aínda facemos a trashumancia, percorremos coas nosas vacas 20 quilómetros ata os Ancares leoneses e a alimentación dos animais é completamente natural e ao aire libre. O alimento principal dos becerros é o leite que maman das nais.
As nosas vacas nunca están estabuladas, só en caso de que enfermen ou teñan que parir e precisen da nosa axuda.
Así, críanse fortes e saudables.
A nosa xestión é 100% respectuosa co medioambiente.
As nosas vacas tamén serven para ter os prados e montes limpos e reducir o risco de incendios. Ademais, grazas á nosa actividade contribuímos a fixar poboación e a un crecemento económico sostible da zona.
Somos a principal actividade económica dos concellos nos que se asentan os nosos cooperativistas.
Nos concellos nos que nos asentamos hai parroquias que perderon, en 15 anos, o 65% da poboación, a media está no 30%. De seguir esta progresión, en 30 anos non habería habitantes.
E nós traballamos para que non sexa así, porque o noso é un compromiso inequívoco co rural e co proxecto vital das persoas que queren vivir nel. Somos gandeiras e gandeiros e estamos orgullosos de selo.
Se queres ver in situ a nosa actividade estaremos encantados de recibirte para ensinarche as nosas vacas e as fermosísimas paisaxes dos Ancares.
