A Carne
As vacas e os becerros son o máis importante para nós. Coidámolos e mimámolos. Escapamos de modelos intensivos para crear a simbiose perfecta vaca-becerro.
Cría tradicional
Sabías que a nosa cría non se trata dun modelo intensivo? Levamos a cabo técnicas e habilidades transmitidas de xeración en xeración.
Alimentación suprema
A receita que convirte a nosa carne en única son os alimentos de becerros e vacas e a crianza en liberdade.
Sabor único
Descubre todas as sensacións dunha carne non procesada, apta para unha dieta saudable e equilibrada.
Envasado e transporte
Sabías que a carne vai directamente dos Ancares a túa casa mediante un sistema de envasado e transporte con todas as garantías?
O noso producto
A nosa carne procede dos becerros que se crían de xeito tradicional, tan tradicional que moitos de nós aínda facemos a trashumancia.
As súas nais xa teñen pedigrí nisto da carne.
Ademais, a diferenza do modelo intensivo, os becerros quedan con súa nai, creándose unha simbiose vaca-becerro, que favorece o bo facer das persoas que forman a cooperativa.
Os métodos que integran o noso corpus de habilidades foron pasando de xeración en xeración, co resultado do coñecemento do aproveitamento de recursos propios e o coidado dos animais.
E ti preguntaraste: e cal é a diferenza con outras carnes?
Pois ben, os nosos becerros, os becerros dos Ancares, da Cooperativa A Carqueixa, aliméntanse a base de lactancia materna ata os 7 meses e con forraxes, cereais, patacas e produtos da horta como complemento.
Iso, coa súa crianza en liberdade ten como resultado unha calidade dificilmente superable.
Os nosos controis de calidade están presentes en todo o desenvolvemento dos becerros e das súas nais.
Os alimentos das vacas están libres de calquera tipo de alimentación animal ou substancia nociva, polo que o leite que lle suministran aos seus becerros é prácticamente perfecto.
En canto á carne, destaca por provocar unha explosión de sabores no padal de quen a proba, cunha mestura intensa e agradable.
A súa cor é rosa claro ou vermello suave, cunha infiltración graxa de cor nacarada, aspecto magro e textura mol.
En resumo: é unha carne para padales exquisitos pero tamén para aqueles que a proban de xeito temperán. O feito de non ser unha carne procesada propicia unha boa dixestión e unha dieta saudable e equilibrada.
O proceso de envasado ten as máximas garantías sanitarias e conserva no tempo o sabor e a textura do produto. O envasado ao baleiro propicia unha boa conservación e permite a conxelación do produto.
A carne sairá dos Ancares directa a túa mesa.
