Callos con garavanzos – Bar Xegunde
Os callos con garavanzos son a comida típica do Bar Xegunde nas feiras de Navia de Suarna. A súa propietaria, Mari Carmen, cocíñaos de xeito excepcional, mantendo constante a súa exitosa receita dende hai décadas.
Neste prato, apreciamos garavanzos suaves pero enteiros e anacos tenros de callos con textura xelatinosa inmersos nunha deliciosa salsa, resultado da suma dun saboroso sofrito de cebola, allo, pemento vermello e pementón, que lle da un regustiño picante moi característico.
- Sen abrir, consérvanse 7 días (ver data do envase).
- Listos para consumir. Quentar e desfrutar; no microondas (2-3 min) ou na pota ( 5 min).
- Envíos en transporte refrixerado. Elaboramos e enviamos os martes para que o recibas os mércores.
Racións de 300 g/unidade aproximadamente.
Desde 6,99 €
Queres saber máis?
Cada segundo domingo e os 29 de cada mes, na feira de Navia de Suarna é tradición comer os callos con garavanzos do Bar Xegunde. Non importa a cantidade que cociñe Mari Carmen porque nunca sobran.
Elaborados cun combinado de ventre e pata procedentes de tenreiras das nosas ganderías familiares, localizadas no corazón verde da provincia de Lugo, que crían reses de xeito extensivo e con alimentación natural.
Cocidos a baixa temperatura durante máis de dúas horas, co cariño, a tranquilidade e o carácter propio da vida no rural. Un prato de culler exquisito, cunha textura e sabor únicos, a súa salsa lixeiramente espesa dunha cor alaranxada, xunto cuns garavanzos tenros e os seus callos esponxosos, non deixan indiferente a ninguén.
Consumir ben quente. Podes poñelo no microondas 2-3 minutos, nos nosos envases directamente perforando previamente a tapa, ou nunha pota durante 5 minutos.
Sen abrir manterase en perfectas condicións ao longo de toda unha semana no frigorífico, grazas ao envasado en bandexas termoseladas con atmosfera protectora (consultar data de caducidade no envase).
Unha vez aberto, conservar entre 0 e 4ºC protexido con film e consumir nun prazo de 24 horas.
Ingredientes
Callos de vacún 70%, garavanzos 20%, aceite de oliva, cebola, allo, pemento vermello, pementón doce, pementón picante, maicena, sal.
Este prato pode conter outros alérxenos, xa que todos os pratos do Bar Xegunde se elaboran na mesma cociña. Se tes algunha dúbida ou petición especial, ponte en contacto connosco!
Valor Nutricional (valores medios por cada 100 g)
Valor enerxético – 462kj / 111 kcal
Graxas – 7,31 g (das cales saturadas – 1,24 g)
Hidratos de carbono – 0,99 g (dos cales, azúcres 0,96 g)
Proteínas – 10,3 g
Sal – 1,11 g
A túa valoración
1 valoración en Callos con garavanzos – Bar Xegunde
Transporte frigorífico
A túa carne vai viaxar en camións frigoríficos ben ao fresquiño.
Pasarela de pago segura
Garantizamos a confidencialidade e a seguridade dos teus datos.
Empaquetados ao baleiro
O sistema de empaquetado ao baleiro permite unha boa conservación.
Jesús Fernández –
No he probado estos, pero si en el Xegunde hechos por Mari Carmen y son de los mejores que comí en mi vida